Tu, 'Ca Nun Chiagne!

Comm'è bella 'a muntagna stanotte Bella accussì nun ll'aggio vista maje! 'N'anema pare rassegnata e stanca Sott' â cuperta 'e chesta luna janca Tu, ca nun chiagne, e chiagnere me faie Tu, stanotte, addò staje? Voglio a te! Voglio a te! Chist'uocchie te vonno 'N'ata vota, vedè! Comm'è calma 'a muntagna stanotte Cchiù calma 'e mò nun ll'aggio vista maje E tutto dorme, e tutto dorme o more E i' sulo veglio Pecchè veglia ammore Tu, ca nun chiagne, e chiagnere me faie Tu, stanotte, addò staje? Voglio a tte! Voglio a tte! Chist'uocchie te vonno 'N'ata vota, vedè! Voglio a tte! Voglio a tte! Chist'uocchie te vonno 'N'ata vota, vedè!