مقهوور

عضيت أصبعي مقهور

وگلبي أحسة مكسور

علأدري مايوفون ألي

وصدگت بيهم مجبور

حبيتهم وأعرف چنت

يغدورني لولحضة ألتفت

هسة أني مكسورألگلب

وأبالي ألف حسبة أدور

أني أدري مابيهم وفة

ومومال حب وعاطفة

وسفة تعب گلبي صفة

تالي ألعمرموألية

خلصت منهم همزين

عشت بظلم صار سنين

يحچولي چانو علفرح

بس ماشفت شوف العين

يجرحون بية وماأگول

وخلگي گبل چان يطول

شو غيري شاغلهم طلع

البالي بيهم مشغول

بعيوني شايلهم عمر

وتحملت ظيم وصبر

عدهم طلع تالي الغدر

فدشغلة عادية

خلوني أفكر بلجاي

وانسة الي مايوفي وياي

ماانقهر قابل شنو

الدنية خلصت من هاي

ماتوگف الدنية ترة

وتفتر علينة بلسرة

الهسة اول مايظل

باچر ترجعة لي ورة

شايلهم بگلبي چنت

لعيونهم يامة تعبت

مااذكر الواحد گلت

بيك اني معلية