ខំផ្គាប់ប៉ុណ្នឹងហើយ

ចិត្តអឺយចំបែង ថ្លែងមិនអស់

ព្រោះព្រាត់ពីប្រុសអឺយ គូស្នេហា

ស្រណោះថ្ងៃមុន គេងគន់ភក្ត្រា

ថ្ងៃនេះឃ្លាតឃ្លាអឺយ ចោលស្រស់ស្រីអឺយ

ស្រណោះម្រាមដៃ បីត្រកង

អូនគេងអេះខ្នងអឺយ ផ្គាប់ចិត្តប្តី

ថ្នមពីព្រលប់ ទល់រាត្រី

ខំយកចិត្តប្តីអឺយ ទាំងថ្ងៃយប់អឺយ

ធ្លាប់គេងធ្លាប់គង ធ្លាប់កៀកកើយ

ផ្គាប់ប៉ុណ្ណឹងហើយអឺយ នៅមិនគ្រប់

ទាញដៃចូលមុង ពីព្រលប់

ផ្គាប់ថ្ងៃផ្គាប់យប់អឺយ គ្រប់វេលាអឺយ

ប្រឹងផ្គាប់ណាស់ដែរ តែមិនគ្រាន់

ប្តឹងដល់ព្រះចន្ទអឺយ ខ្លាចបែកគ្នា

អូនខ្លាចមេម៉ាយ ព្រៅកំព្រា

ខ្លាចប្រុសគ្រប់គ្នាអឺយ គេមើលងាយអឺយ

អូនគេងម្នាក់ឯង រែងខ្លោចផ្សា

ខ្វះដៃសង្សារអឺយ មកថ្នមកាយ

នឹកឡើងឆ្អែតចិត្ត ទ្រូងស្ទើរធ្លាយ

ព្រោះប្រុសឃ្លាតឆ្ងាយអឺយ ដាច់មេត្តាអឺយ

តើថ្ងៃណាទៅ ពៅវិលវិញ

ចិត្តនៅទន្ទេញអឺយ ឈ្មោះស្នេហា

វិលមកភ្លាមភ្លាម ទៅម្ចាស់ចិន្តា

ពេលអូនរងាអឺយ រាវរកបងអឺយ