ស្តាយចិត្តដែលស្រឡាញ់

ស្ដាយអើយសែនស្ដាយ ចិត្តដែលស្រឡាញ់

ស្ដាយមិនគួរចាញ់ ពាក្យបោកឬស្យា

ដូចហង្សបាក់ស្លាប ដោយព្រួញស្នេហា

ដួងចិត្តឈឺផ្សា អស់មួយជីវិត

ស្ដាយចិត្តស្ដាយកាយ ដែលបានប្រគល់

បែរជាទទួល កង្វល់ក្នុងចិត្ត

ភពមានរស្មី ក្លាយជាងងឹត

រស្មីជីវិតសាបសូន្យ ទៅហើយ

ចម្រៀងបក្សា សូរិយារៀបលិច

មិនអាចបំភ្លេច ក្តីស្នេហ៍បានឡើយ

ស្រណោះខ្យល់ជំនោរ រដូវរំហើយ

គ្រាដែលកៀកកើយ នែបនិត្យឱរ៉ា

ស្ដាយអើយសែនស្ដាយ ស្នេហ៍បរិសុទ្ធ

ឥលូវរលត់ គ្មានភ័ព្វវាសនា

សង្ឃឹមថ្ងៃស្អែក ក៏ដូចថ្ងៃណា

អស់ហើយខ្លឹមសារ ក្នុងជីវិតខ្ញុំ

ចម្រៀងបក្សា សូរិយារៀបលិច

មិនអាចបំភ្លេច ក្តីស្នេហ៍បានឡើយ

ស្រណោះខ្យល់ជំនោរ រដូវរំហើយ

គ្រាដែលកៀកកើយ នែបនិត្យឱរ៉ា

ស្ដាយអើយសែនស្ដាយ ស្នេហ៍បរិសុទ្ធ

ឥលូវរលត់ គ្មានភ័ព្វវាសនា

សង្ឃឹមថ្ងៃស្អែក ក៏ដូចថ្ងៃណា

អស់ហើយខ្លឹមសារ ក្នុងជីវិតខ្ញុំ