Ave Maria, O Auctrix Vite

Ave Maria,

o auctrix vite,

reedificando salutem,

que mortem conturbasti

et serpentem contrivisti,

ad quem se Eva erexit

erecta cervice

cum sufflatu superbie.

Hunc conculcasti

dum de celo Filium Dei genuisti:

quem inspiravit

Spiritus Dei.

O dulcissima

atque amantissima mater, salve,

que natum tuum de celo missum

mundo edidisti:

quem inspiravit

Spiritus Dei.

Gloria Patri et Filio

et Spiritui Sancto.

Quem inspiravit

Spiritus Dei.