ស្ទឹងសង្កែស្នេហ៍បាត់ដំបង

រាត្រីដែលបាន ជួបនឹងនួនល្អង

នៅបាត់ដំបង មាត់ស្ទឹងសង្កែ

យើងទាំងពីរនាក់ សច្ចាស្បថស្បែ

ក្រោមដួងព្រះខែ រះពេញបូណ៌មី

រៀមលូកដៃអោប ក្រសោបកាយអូន

រាត្រីស្ងាត់សូន្យ ដោយស្នេហ៍ភក្ដី

ភក្ដ្រអើយភក្ត្រអូន ញញឹមមានន័យ

ប្រហើរក្លិនស្រី ជាប់នឹងដៃបង

រាត្រីរនោច ផ្ដួចផ្ដើមនឹកពៅ

សល់តែតាវ៉ៅ សាសព្ទឆ្លើយឆ្លង

ជំនួសពាក្យអូន ដែលធ្លាប់សាសង

នៅបាត់ដំបង មាត់ស្ទឹងសង្កែ

សូមផ្ដាំតាមទឹក ផ្ញើនឹកតាមខ្យល់

ឱ្យឆោមនិមល វិលមករកស្នេហ៍

ដូចរាត្រីកាល ពេញបូណ៌មីខែ

នាស្ទឹងសង្កែ ក្រុងបាត់ដំបង

រាត្រីរនោច ផ្ដួចផ្ដើមនឹកពៅ

សល់តែតាវ៉ៅ សាសព្ទឆ្លើយឆ្លង

ជំនួសពាក្យអូន ដែលធ្លាប់សាសង

នៅបាត់ដំបង មាត់ស្ទឹងសង្កែ

សូមផ្ដាំតាមទឹក ផ្ញើនឹកតាមខ្យល់

ឱ្យឆោមនិមល វិលមករកស្នេហ៍

ដូចរាត្រីកាល ពេញបូណ៌មីខែ

នាស្ទឹងសង្កែ ក្រុងបាត់ដំបង