Aaks Elli Shayfenha

وقالوا سعيدة في حياتها، واصلة لكل أحلامها وباينة عليها فرحتها في ضحكتها وفي كلامها وعايشة كإنها في جنة وكل الدنيا مالكها وقالوا عنيدة وقوية، ما بيأثرش شيء فيها ما حدش في الحياة يقدر يمشي كلمته عليها هتحلم ليه وتتمنى؟ مفيش ولا حاجة ناقصاها ومن جوايا أنا عكس اللي شايفينها وعالجرح اللي فيها ربنا يعينها ساعات الضحكة بتداري في جرح كبير ساعات في حاجات ما بنحبش نبينها كتير أنا ببقى من جوايا بتألم (آه) ومليون حاجة كاتماها بتوجعني بيبقى نفسي أحكي لحد وأتكلم وعزة نفسي هي اللي بتمنعني سنين وأنا عايشة في مشاكلي وبعمل إني ناسياها وحكموا عليا من شكلي ومن العيشة اللي عايشاها أنا أوقات أبان هادية ومن جوايا نار قايدة ولو يوم اللي حسدوني يعيشوا مكاني لو ثانية ولو شافوا اللي أنا شفته هيتمنوا لحياة تانية ولو أحكي عن اللي أنا فيه هتفرق إيه، إيه الفايدة؟ ومن جوايا أنا عكس اللي شايفينها وعالجرح اللي فيها ربنا يعينها ساعات الضحكة بتداري في جرح كبير ساعات في حاجات ما بنحبش نبينها كتير أنا ببقى من جوايا بتألم (آه) ومليون حاجة كاتماها بتوجعني بيبقى نفسي أحكي لحد وأتكلم وعزة نفسي هي اللي بتمنعني