Dr Eskimo

Dr Eskimo Kennet dir das Gschichtli scho Vo däm armen Eskimo Wo in Grönland einisch so Trurig isch um ds Läbe cho Är het dank em Radio Fröid ar Musig übercho Und het tänkt das chan i o So isch är i ds'unglück cho Nämlech är het sech für zwo Fläsche Läbertran es no Guet erhaltes Cembalo Gchouft und hets i d'Höli gno Doch won är fortissimo Gspilt het uf sym Cembalo Isch en Ysbär ynecho Het ne zwüsche d'Chralle gno Kunscht isch geng es Risiko So isch är um ds Läbe cho Und dir gseht d'Moral dervo Choufet nie es Cembalo Süsch geits öich grad äbeso Wi däm armen Eskimo Wo in Grönland einisch so Truurig isch um ds Läbe cho