អនុស្សារវីយ៍៣ខែត្រ

ឱ! ទួលបាកាន វិមានដួងចិត្ត

បងជួបវរមិត្រ ក្បែរផ្នូរតាមឿង

ថ្ងៃនោះបងបាន ឱ្យផ្កាស្បៃរឿង

មួយទងពណ៌លឿង អូនសៀតកេសា

ព្រៀងលិខិតមាស ជូនម្ចាស់បេះដូង

បងជាក្ដាមគ្រោង លង់ស្រែជីវា

ឱ្យតែក្ដាមស្មោះ កុំក្បត់អក្ខរា

គង់តែវាសនា ដាក់ទានស្នេហ៍ស្នង

កំពុងសង្ឃឹម កម្មយើងត្រូវព្រាត់

យើងឃ្លាតពោធិ៍សាត់ ដល់បាត់ដំបង

បងជួបអូនទៀត នៅដំណាក់ហ្លួង

ស្បៃរឿងមួយទង ស្នេហ៍បងឥតឃ្លាត

ម្ដងនេះ យើងស្គាល់ចិត្តគ្នាច្បាស់ហើយ

តែប្រុសបងអើយ កម្មយើងរវាត

ព្រោះអូនត្រូវរៀប ការនឹងគេទៀត

ម្ដាយអូនជ្រែកជ្រៀត ឱ្យយើងសែនខ្វល់

ដើម្បីស្នេហ៍ពិត យើងនាំគ្នាឆ្លង

ពីបាត់ដំបង ទៅរតនៈមណ្ឌល

ប៉ៃលិនសង់ខ្ទម សុភមង្គល

ក្រោមម្លប់ដើមស្រល់ ក្បែរអូរតាពុក

ឱ! ភ្នំយ៉ាត ស្ពានយោលស្រមោលកម្មផល

នឹកដល់អនុស្សាវរីយ៍បីស្រុក

ស្បៃរឿងបងអើយ តទៅថ្ងៃមុខ

ឆ្អឹងយើងផ្ញើទុក នឹងប៉ៃលិនហើយ