Immer widder

1.

Die Levvensoder vun minger Stadt sin die Ringe un die Huhe Stroß

Op de Jahnwies und beim FC, do han ich minge Spass

Der Decke Pitter vum staatse Dom jitt uns der Pulsschlag vür

Met denne KGs, met alle Funken singe mer em Chor

Refrain

Et trick mich immer widder (immer widder) en ming Stadt zoröck (ming Stadt zoröck)

Unser Kölle, he am Rhing, met singe sibbe Bröck (met sibbe Bröck)

Ben ich ens fään und denk dodran, do wäde ich verröck (wäde ich verröck)

Ich han dat Fleckche Ääd su jään, ich mag die kölsche Lück!

2. Strophe

Offenhätzig, tolerant un och e besje jeck,

Drage mer Minsche dat Hätz om rächte Fleck,

Mer fiere unser Dreijesteen em Rusemondachszoch,

Em Süde, Norde, Weste, un de Schäl Sick singk et och

Refrain

3. Strophe

Ich odme he die Stimmung en, mer weed et heiß un och bal kalt

Ich höre op ming Echo, dat op dem Aldermaat verhallt.

Jetz he ze sin, mi Hätz schleit flöck, dat es et wat ich will.

Ich luure zo dä Stääne rop, Tünnes und Schäl sin still (schschsch)

Refrain (x3)

Ende

Ich han dat Fleckche Ääd su jään, ich wäde bal verröck.

Ich han dat Fleckche Ääd su jän, ich mag Üch kölsche Lück!