Die Kultur het mi ufgnoh mit offnen Arme

Entstanden ire Stadt i de Staate im wiude Start vo de 70er Jahr

Am glychen Ort zur glyche Zyt ire Aafang gfyyrt

I de Clubs sitten a sitte mit de Punks und Queers

Inere Zyt wos niemer het interessiert

Si si di erste gsi wo denn de MCs e Plattform biete

Sit denn isch viles passiert, Rap isch itz relevant

Isch über die Industrie marschiert wi ne Elefant

Si heinis lang nid anerkannt und üsi yo’s usglacht

Itz lacht niemer, itz si mir di grosse ufem Pouseplatz

Millione gmacht mir si Kultur mitem Rekordumsatz

Aui überhout, Rock ‘n’ Roll, Techno, Pop und House

O we mer geng scho klari Wärt hei verträtte

Gäge Diskriminierig, und iista für Diversität

Doch we mir i däm Moment wo mir di Grosse wärde

Üs nümme hingerfrage und gäg Obrigkeite wehre

Üs nur no säuber fyyre nümme iistö für di Schwechere

Simer nid besser aus die womer hei wöuen ersetze

Bi viles weni gseh wases no aues ztüe git

I bi wüetig bi mad doch i bi sicher nid müed

Solang POC und Migrant:inne i eisitige Pricht

Vo Medien ir Schwyz wärde bezeichnet us Drogedealer

Solangs am Bahnhof usegno wärde meh au di Wysse

Eine vo ine wider Polizeiopfer wird

Solang Asiatinne mit Nutte verglyche und sexualisiert wärden ir Schwyz

Und du genau die Clichés im Text validiersch

Chöimer nid de Faschos tschuud gä we Übergriffe passiere

De si mir die wo di Stereotype reproduziere

Solang me Queers i de Strasse wird attackiere

Si mir die wo mit dene vo obe gäg abe schiesse

U verzeu mer nüt vo Schwyzer Kultur sigi progressiver

Hie nid verby Homophobie immer scho Mode gsi

Geng nonid gschafft aui Unglychheiten ids Reine bringe

Vereine si bblybe, was heimer ttribe sit 71?

Sexismus het Tradition sit ewig hie

Doch verzeu mer nid gäg abe schutten isch das wo di definiert

Säg was de wosch über die Gruppe wo du aaghörsch

Aber Zyt isch verby wo auti wyssi Männer aues dörfe

Mir si ab itze vogufrei das si di guete News

La dä Frust nur use aber richt mau dini Wuet gäg üs

Wüu i bi sicher nid besser Teil vom Problem

Ha dä shit nid nume gnau so verbreitet u Lüt verletzt

I ha sicher meh aus einisch mi Status missbrucht für Sex

Und i wird mi zläbelang no befasse mit dene Theme

U d’Wahrheit isch wen e Gruppen us schwecher giut

Trout me sech o meh se zkicke und erwartet das si vergit

Doch tüsch di nid und o ig wirde schissi Frässe

Üse Tag wird cho, si hei aues ghört u nüt vergässe

Üse Tag wird cho, si hei aues ghört

Üse Tag wird cho