크레딧
실연 아티스트
엠마 커크비 여사
소프라노
작곡 및 작사
기욤 드 마쇼
작곡가
프로덕션 및 엔지니어링
Antony Howell
엔지니어
Martin Compton
프로듀서
가사
Dame, a vous sans retollir
Dong cuer, pensée, desir,
Corps et amour,
Comme a toute la millour
Qu’on puist choisir,
Ne qui vivre ne morir
Puist a ce jour.
Si ne me doit a folour
Tourner, se je vous aour,
Car sans mentir,
Bonté passés en valour,
Toute flour en douce odour
Qu’on puet sentir.
Vostre biauté fait tarir
Toute autre et anientir,
Et vo douçour
Passe tout; rose en colour
Vous doi tenir,
Et vo regars puet garir
Toute dolour.
Pour ce, dame, je m’atour
De tres toute ma vigour
A vous servir,
Et met, sans nul villain tour,
Mon cuer, ma vie et m’onnour
En vo plaisir.
Et se Pité consentir
Vuet que me daingniez oïr
En ma clamour,
Je ne quier de mon labour
Autre merir,
Qu’il ne me porroit venir
Joie gringnour.
Dame, ou sont tuit mi retour,
Souvent m’estuet en destour
Pleindre et gemir,
Et, present vous, descoulour,
Quant vous ne savez l’ardour
Qu’ay a souffrir
Pour vous qu’aim tant et desir,
Que plus ne le puis couvrir.
Et se tenrour
N’en avez, en grant tristour
M’estuet fenir.
Nompourquant jusqu’au morir
Vostres demour.
Written by: Guillaume de Machaut
