Istwa nou memwa nou se zam nou pou'n pa peri

Eritaj pa'n se istwa pa'n afriken ye bèje lavi

W'ap ekri'm pou'm kontribiye pou Pè Lepevedic

Ou bliye Boukman ak Makandal ban'n viktwa istorik

Yap mande'w ki saw fe pou peyiw yo bo'w lavi'w

Eske prè pou batay la sekirize fiti'w

Kay koule blofe solèy men li ka twompe lapli

Mizè nou gen pou'l fini men tout moun dwe pran lari

Definisyon nou se zam nou se lang nou

Nou dwe lib pou nou deside pou tetan nou Pagen anken moun ki ka vin finanse libete'w

Kolonyalis se volè yap veye'w pou yo vale'w Ranje ko'w timal si'w pa malad ou pal lopital Lakay yo san privilèj yo ta menm vle ofri'w kolèj

Yo lap rache dan tout pep la kontamine tout tè a Yon ekip chalatan yap pretan'n se yok ekspè a Se ansanm pou'n mete'n eradike egoyis

Sakrifis pou jenès la bay Jean Dominique jistis

Cheik Anta Diop enspire'n se pou'n òganizen Kolabore ak Ayisien ki renmen Afriken Rekonekte vwa zansèt yo

Rekonèt relijyon nou kase chèn ki nan tèt nou Lanati ap briye pou nou

Istwa nou memwa nou se zam nou pou'n pa peri

Eritaj pa'n se istwa pa'n afriken ye bèje lavi