NAAYANTHA (feat. KRISHNA KUMAR)

॥పల్లవి॥ నాయంత జ్ఞానము లేదు నాకు మావారు చెప్పిన

చాయపాటుబుద్దులకే శరణంటి నిన్నును

॥చ1॥ విన్నపము సేసేనంటే వేళ నీ కేదో యెఱుఁగ

మన్నించుకొలఁదీ నీ మన సెఱుఁగ

సన్నుతించే నంటేను చక్కనిమాట లెఱుఁగ

నన్ను నెట్టు రక్షించేవో నమ్మితి నే మిమ్మును

॥చ2॥ సేవచేసి నిన్ను మెప్పించేనంటే భక్తి నేర

నీవాఁడనై కొల్చేనంటే నేమము నేర

పూవులఁ బూజించేనంటే పొందగు మంత్రము నేర

దైవమా నీవే దిక్కు ధరించితి ముద్రలు

॥చ3॥ హితవరి నయ్యేనంటే నేకాంతము దెలియ

మతిఁ దలఁచేనంటే మర్మము దెలియ

సతమై శ్రీవేంకటేశ్వర నీవే నాకు

గతి యని మొక్కితిఁ గరుణించే దెట్లో