SEYRAN7’62 - 22

             •1•

Halqımnın derdi bugün de bu menim bir derdim.

Kenardan da boşuna baqmaya olamam, bu menim qasevetim. [uuh]

Yüregimnin uruşu sanki eki sıfır eki eki.

Zulume tüşken adamnın da, ğaliba, bitmez sabır, nefreti.

Halq kene müşkül tarih zamanına girdi.

Halq içün kene sınav, kene saylav: qaldıñmı? kittiñ?

Bu gece fikirler, bu gece biter ve saba gelir, dün da bitti

Film kibi, bunu bilen kim? Soñu hayır olsun, ey milletim!

Ne olacaq? Başım patlaycaq, er haber sanki bırcaq, sanki panca.

Unutacañ ya da unutmacañ soñ, bu zor tapmaca.

Bu gün - yara, o da qara qalem ile yazılır kitaplara.

Yazanı kim? Sağlam aqıllar ya da cinbetlernen maraz? [maraz]

Dağıldıqmı? Dağılmadıq? Darıldıqmı? Darılmadıq? Toplanırıqmı bir gün epimiz bu yerde? Mesele açıq.

Bugün divan askerleri çoq, boş uzun tilden er kes toq!

Sözleriñi yelge bıraqma - soñ başıña gelir qalır sanki tot [tot, tot].

                •bağlama•

Bu zamandan ya da kit ya da qal, bu sanki yarış [ey, ey]

Amma sağlam aqıl ile mıtlaq kerek davranış [wow, wow].

Çoqusı ağır, zor düşüncege bugün dalmış:

Qırım? LA, İstanbul, Dublin, Ottava, Dubai, Warşawa, Berlin, Pariş?

Bu dünyada olacaqmı aceba bir barış? [bir, bir]

Amma kimler yarın qazanacaq alğış?

Kime bir günâh, kime bir sevap. Kime tek güller, kime tek silâh.

Kime bir nefret, kime bir selâm olacaq bahşış?

[Kime günâh, kime sevap. Kime güller, kime silâh. Kime nefret, kime selâm olacaq bahşış?]

                   •2•

Ayaqta da degilik bekim amma biz tüşmedik.

Biraz daa geçer ve deyceñ ki: «Tamam bir düş edi».

Bil, serbest canımız var gökte bin quş kibi.

Amma kendi areketini kim daa düşünmedi?

Kim söyle maña kim, kim

yarın olacaq win-win?

Kimnin qana kimnin, bil,

İçi dollu keskin kin?

Anda kim? Mında kim?

Anda mında bir halq ki.

Nasıl oldu bu? Daa bir

dalğa geldimi? Taqdir? [Eey]

Kim edik, kim olduq, ne oldu, ne qaldıq? [ne qaldıq?]

Düşünceler kene, ketişat iç veremey raatlıq [veremey raatlıq].

Bazılarnın areketine bugün arama mantıq [arama mantıq].

Başlarına yol ken degil de, tek tarlıq [yazıq, yazıq].

               •bağlama•

Bu zamandan ya da kit ya da qal, bu sanki yarış [ey, ey]

Amma sağlam aqıl ile mıtlaq kerek davranış [wow, wow].

Çoqusı ağır, zor düşüncege bugün dalmış:

Qırım? LA, İstanbul, Dublin, Ottava, Dubai, Warşawa, Berlin, Pariş?

Bu dünyada olacaqmı aceba bir barış? [bir, bir]

Amma kimler yarın qazanacaq alğış?

Kime günâh, kime sevap. Kime güller, kime silâh.

Kime nefret, kime selâm olacaq bahşış?