ក្រសាហូតដាវ (Sword Weaving Heron)

ក្រសាយំខ្វាក អឺយហើរកាត់ហ្វូងក្អែក អីនុះ!

សត្វក្អែកយំខ្វក អូនអឺយទំលើដើមខ្វិត

បងស្កាត់ជួបស្រីអឺយ ទាំងយប់ងងឹត

ទៅសុំស្នើចិត្ត អូនអើយពីលោកមេបាអឺយ

ក្រសា កវែង អឺយខ្លែងកខ្លី

បើតាមសម្ដី បងអើយគួរមេត្តា

ទ្វារមុខនែ៎ មិនចូល អឺយខ្លាចក្រែងបែកការ

មកជួបមេបា បងអើយតាមបង្អួចស្រី

ក្រសាហូតដាវ អឺយហូតដោយទាំងស្រោម

អីនុះ! ហូតយករូបឆោម អូនអើយទៅថ្នាក់ថ្នមបី

សូមស្គាល់ល្វែងចាស់ ល្វែងចាស់ល្វែងថ្មី

ទោះយប់ទោះថ្ងៃ អូនអើយស្រីនាង កុំប្រកែកអឺយ

ឱ!សត្វនែ៎ក្រសារអឺយ! ហើរហូតដាវ

ស្អប់ប្រុសឈាមរាវ បងអើយមុខរឹងដូចដែក

ល្វែងចាស់ល្វែងថ្មីអឺយ ស្រីប្រាប់ថាស្អែក

តែប្រុសប្រកែក បងអើយស្រែកថាមិនព្រម

អីយ៉ាស់ ភុំភួងអឺយ ភួងមេឡេ

ចាស់ហើយមិនយកទេ អូនអើយ យកអាយុប្រាំមួយដណ្ដប់

អីយ៉ាស់ភុំភួងអឺយ អីភួងមេនឺម

ចាប់បានកន្ទុយក្បិន ចាំមើលបងកិនឱ្យអស់ដៃអឺយ

ដឹកស្អីទេបង ចាស់ហើយនៅតែមិនព្រមចាស់ទៀត

អត់ព្រមចាស់ទេអូន

ព្រមអី សក់ស្កូវហើយ

ស្កូវតែសក់ទេអូន កម្លាំងបងមិនទាន់ចាស់ទេអូន

ចាំញាំបាយជាមួយអូនដែរ

ក្រសាយំខ្វាក អឺយហើរកាត់ហ្វូងក្អែក អីនុះ!

សត្វក្អែកយំខ្វក អូនអើយទំលើដើមខ្វិត

បងស្កាត់ជួបស្រី ទាំងយប់ងងឹត

ទៅសុំស្នើចិត្ត អូនអើយពីលោកមេបាអឺយ

ក្រសា កវែង អឺយខ្លែងកខ្លី

បើតាមសម្ដី បងអើយគួរមេត្តា

ទ្វារមុខនែ៎ មិនចូលអឺយ ខ្លាចក្រែងបែកការ

មកជួបមេបា បងអើយតាមបង្អួចស្រី

ក្រសាហូតដាវអឺយ ហូតដោយទាំងស្រោម

ឱនុះ! ហូតយករូបឆោម អូនអឺយទៅថ្នាក់ថ្នមបី

សូមស្គាល់ល្វែងចាស់ ល្វែងចាស់ល្វែងថ្មី

ទោះយប់ទោះថ្ងៃ អូនអើយនាងស្រី កុំប្រកែកអឺយ

ឱ!សត្វនែ៎ក្រសារអឺយ ហើរហូតដាវ

ស្អប់ប្រុសឈាមរាវ បងអើយមុខរឹងដូចដែក

ល្វែងចាស់ល្វែងថ្មី អឺយស្រីប្រាប់ថាស្អែក

តែប្រុសប្រកែក បងអឺយស្រែកថាមិនព្រម

អីយ៉ាស់ភុំភួងអឺយ ភួងមេឡេ

ចាស់ហើយមិនយកទេ អូនអឺយចាំយកប្រាំមួយដណ្ដប់

អីយ៉ាស់ភុំភួងអឺយ អឺភួងមេនឺម

ចាប់បានកន្ទុយក្បិន ចាំមើលបងកិនឱ្យអស់ដៃអឺយ

ដឹងស្អីគេ ចាស់ហើយនៅមិនព្រមចាស់ទៀត

ទេ! អត់ព្រមចាស់ទេអូន

អត់ចាស់ផង? សក់ស្កូវអស់ទៅហើយ

អូនអើយ ស្កូវតែសក់ទេអូន

ចិត្តបងមិនទាន់ចាស់ទេអូន

ចាំញាំបាយជាមួយអូនបាន