뮤직 비디오
가사
Vysys durs aizcārt prīkšā
Salīk septeņus atslāgus
Klauveju klusi
Voi, Dīvs, te vysi izmyruši?
Cīma kukuļs man leidza –
Nikas daudz
Sakalts rudzu maizis kanceits
Nasmuodejit, jemit
Laužšu, dūšu pusi kanceiša sova
Kas ar syltom rūkom vuoļuots
Soltā iudinī miercāts
Korstā ceplī īškā likts
Ar nazi dalāts divuos vīnaiduos daļuos
Iedit soldonu muti
Voi nūglobojit styurī
Ja reiz nuoks cylvāks kaids
Kuram nūderēs tys vairuok
Līcit zemē, audzejit –
Dolit sāklys lobim cylvākim
Naz voi cylvākim tik lelys mutis
Ka tī apēss – beidzamuos pusis
Sasatiksim pavysam dreiž
Sasatiksim pavysam dreiž
Zemē, kur vīnmār ir labi
Zemē, kur vīnmār ir labi
Divys puseitis – taida muna pasaule
Vīna sova, ūtra – kaidam aizlīnāta!
Vīnmār ļaužu puorprosta
Nu cytim glupai izsmīta
Kaidam klusi žāluota
Svešim skali izklīgta
Bet taida tikai muna – puseite nu sevis
Skrīnu, klīdzu, saucu, meklēju
Kur tagad esi tu
Vēļ tikkū beji te
Bet nu jau tuoli prūjom
Nikuo dariet
Lobī ceļavuordi paliks munā kabatā deļ tevis
Paliks maizis kanceits tovs
Poruodā tev byušu
Vīnolga – varbyut pasaulē cytā
Bet tevi pazeišu es vīnmāt
Atsaceriešu, ka reiz
Tu man paruodeji pasauli cytu
Sasatiksim pavysam dreiž
Sasatiksim pavysam dreiž
Zemē, kur vīnmār ir labi
Zemē, kur vīnmār ir labi
Sasatiksim pavysam dreiž
Sasatiksim pavysam dreiž
Zemē, kur vīnmār ir labi
Zemē, kur vīnmār ir labi
Lyrics powered by www.musixmatch.com