Intence vs. Tashawn

Yeah Reason wid miself, yuh know More like Tashawn and Intence a talk Dawg Mah hear yuh Nuh bother change fi nobody, stay same suh People a pussy and a suh di game guh If yuh never mek it dem would'n care enuh Then again fam yuh know a real talk Dem deven know yuh life, dem only see di sweet part A mussi true yuh get big and change yuh features A like dem figet a grung yuh use to sleep pon 'Tence mi jussa gwaan hold my own If mi medz it too deep dem gone home Yow yuh deen know mi feel, jah know If mi hungry and n'ave dem cyah know Dawg jus' gwaan hol' 'e Memba yaah di stronger version and mi nah worry N'ave time fi jail, dat cost and mi n'ave money Our life fi sweet like a di Barack Obama money Dem a call up wi name when wi a do good dawg a drama dis Feel like fi live a space 'cah mi cyah manage Mi tell yuh dat fi tell yuh all a dis Might a see mi smile but yuh nuh know di half a dis How mi nuh fi know di half when wi a dweet together dawg Yuh nuh know jus' because yuh all about di hype and gyal A money pon mi mind, wah mek yuh think mi guh suh hard Last time yuh seh suh, yow a crash yuh crash yuh car Give thanks fi yuh life, 'memba wi could'a dead and gone Yuh fi be a bigger man and try fi accept when yuh wrong Accept wah? Yuh mad? Mi deven accept certain call Yuh see wah mi a talk, everything yuh tek fi laugh Dawg yuh haffi laugh more while Put di anger and di pain, all di memories aside Yuh see't, yuh still a live yuh life like a child Nut'n deh yahso fi laugh yow mi deven a smile Jus' gwaan fuck some gyal, mi nah live ordinary life A some big pussy gyal yuh really have pon yuh mind A pon mi cocky gyal guh, nuh pass yuh place enuh bwoy Suck yuh mumma, mi nuh tek stylin' from nuh guy Yuh jussa tell mi lowe di badniss, now yuh bad mi up It obvious, 'cah yuh duh a bag a fuckery and mi have yuh up Anyting mi do a sitt'n easy fi polish up Gwaan like yuh waah guh back to di days yuh used to polish house A dat mi know mi nah guh back to A neva floor alone mi polish, all fimi Glock too Di hype and di fame a get to yuh, confused Jussa hope and pray yuh nuh mek di wrong move Yuh mad? When mi 'memba mummy one room and mi one shoes Di one black shirt, black jeans, one suit Couldn't find a plate a food jus' fi consume Board house, zince fence, outside bathroom Dawg when yuh check yuh know wi fi live good Don't feel nuh way mi just want yuh live good Mi try do the right and it nuh seem to be good Mi nah tell nuh lie, mi see't seh yuh improve Dem try paint a picha like mi nuh real yute Di same one weh buil' yuh yow a him a dweet yute A crab inna barrel, lucky ting mi nuh like seafood Jus' gwaan duh yuh ting dawg, nuh bother drop e pace Yuh neva graduate and a yuh a run di place And dem gwaan like mi nuh great Dem soon ketch heartache A dominate di place like Covid-19 odda day Shhhh, hol' on deh, wait deh wait deh Nobody nuh round dehso A dis mi waah seh too yuh from di odda day Yaah drop yuh song dem too early dawg jus' gi dem some space Even though yuh hot and mi know, jus' mek it time and creep up pon dem ears Dawg mi haffi laugh dawg, deven mi head mi aguh bother shake But watch dis nuh dawg if mi step back and nah drop nuh song like a'mean, hol' a break Some odda artist aguh run up inna mi space And dem it aguh look a way, disgrace 'Cah a mi a dancehall hot topic right now, di main And mi have dancehall a carry pon mi back And yuh know dat is a heavy strain True, true, true But den again yuh hot and mi deven care And anyting yuh do mi see't work, mi nuh know how a'swear Di 'mount a old people mi see a cheer fi yuh More time dem siddung inna dem rocking chair a listen di song deh Di one deh, di same one deh man weh yuh do di odda day A think, a think, a think a, a wounded it name Yah man a hit song man but watcha nuh dawg Wi haffi guh do dat reason yah a different day 'Cah si all gyal jus' jump up inna mi DM Seh right now, she waah deal wid e ting a way (sight)