Topsongs van Verbum Gloriae
Credits
COMPOSITION & LYRICS
Cantus Gregorianus
Songwriter
Songteksten
Ave mundi spes María
Ave mitis, ave pia
Ave plena grátia
Ave Virgo singuláris
Quæ per rubum designáris
Non passum incéndia
Ave rosa speciósa
Ave Jesse vírgula
Cujus fructus nostri luctus
Relaxavit víncula
Ave cujus víscera
Contra mortis fœ'dera
Edidérunt Fílium
Ave carens símili
Mundo diu flébili
Reparásti gáudium
Ave vírginum lucérna
Per quam fulsit lux supérna
His quos umbra ténuit
Ave Virgo de qua nasci
Et de cujus lacte pasci
Rex cælórum vóluit
Ave gemma cæli luminárium
Ave Sancti Spíritus sacrárium
O quam mirábilis
Et quam laudábilis
Hæc est virgínitas
In qua per Spíritum
Facta Paráclitum
Fulsit fœcúnditas
O quam sancta, quam seréna
Quam benígna, quam amœ'na
Esse Virgo créditur
Per quam sérvitus finítur
Porta cæli aperítur
Et libértas rédditur
O castitátis lílium
Tuum precáre Fílium
Qui salus est humílium
Ne nos pro nostro vítio
In flébili judício
Subjíciat supplício
Sed nos tua sancta prece
Mundans a peccáti fæce
Cóllocet in lucis domo
Amen dicat omnis homo
Writer(s): Cantus Gregorianus
Lyrics powered by www.musixmatch.com