Sabahın xeyir, Şuşa, qapını döyən mənəm
Neçə ildir yoldayam, artıq gəlib çatmışam!
Bu sabah üfüqlərdə, bir başqa günəş doğub!
Səhər azan səsiylə quşları oyatmışam!
Sabahın xeyir Şuşa! Arzuların şəhəri
Həsrətli illərimin güman yeri, and yeri
Ayrılıq sona çatdı, indi üfüqlərində
Mavi, qırmızı, yaşıl boyanacaq dan yeri!
Sabahın xeyir, Şuşam!
Sabahın xeyir, Vətən
Azərbaycan bayrağın
Əbədi yüksəltmişəm!
Sabahın xeyir, Şuşam!
Sabahın xeyir, Vətən
Azərbaycan bayrağın
Əbədi yüksəltmişəm!
Sabahın xeyir, Şuşa! Qapını döyən mənəm
Qoynunda bəslədiyin sənin doğma övladın
Aç qapını, can Şuşam, qoy öpüm torpağını
Nəğmələrdə hər zaman səslənəcəkdir adın
Sabahın xeyir, Şuşam!
Sabahın xeyir, Vətən
Azərbaycan bayrağın
Əbədi yüksəltmişəm!
Sabahın xeyir, Şuşam!
Sabahın xeyir, Vətən
Azərbaycan bayrağın
Əbədi yüksəltmişəm!
