Maaleyam (Vishu Song) by Rakesh Kesavan

വിഷുപക്ഷി പാടിയുണർത്തും മേടപ്പൊൻപുലരിയിലെങ്ങും

കൊന്നപ്പൂത്താലമൊരുങ്ങുന്നേ

മാലേയത്തൊടുകുറി തൊട്ടും മഞ്ഞ മലർ ചേലയുടുത്തും

എങ്ങും പൊൻപുലരിയൊരുങ്ങുന്നേ

കതിരാടും വയലായ് മണ്ണും

മേടപ്പൊന്നഴകായ് വിണ്ണും

നിറവുത്സവ കാഴ്ചകളേകുന്നേ

എൻ മിഴികളിലാകെ

(വിഷുപക്ഷി)

മണിവർണ്ണനൊരുങ്ങുന്നേ

തിരു പൊൻ കണിയുണരുന്നേ

മനമാകവേ മധുരം നിറയും അഴകിൻ

പൂക്കണിയുണരുന്നേ

മലർമാല്യമൊരുങ്ങുന്നേ

നറു ശോഭ വിളങ്ങുന്നേ

നിറചാരുതയിൽ പുതുപുലരിയുമായ്

നവവത്സരമുണരുന്നേ

പൂവാനത്തളികയിലാകെ

തൂവർണ്ണ ചേലാട്ടം

തുയിലുണരും മന്ത്രം ചൊല്ലും

പൊൻ മേട പുലർ നാദം

മധുഹാസപ്പൊന്നൊളി തൂകി

മലർവീണതന്ത്രികൾ മീട്ടി

കതിർ കാണാ കിളിയായ് നീയെന്നും

എൻ മിഴികളിലാകെ

(വിഷുപക്ഷി)