Синең хакта

Син һәркемгә тансык, шатлык кебек,

Җилкәнгә — җил, тамчы туфракка.

Ишетәмсең, сөйли җылы яңгыр

Синең хакта?..

Синең хакта зәңгәр гөлләр сөйли,

Дулкынлатып яшел үзәнне;

Алтын кылдан күпер суза кояш

Күрер өчен синдәй гүзәлне, гүзәлне!

Күк күгәрчен менә синең юлга, —

Нурларыңның бардыр кирәге.

Ерак тавышыңнан сине эзләп,

Болытларга тия йөрәге!..

Синең хакта зәңгәр гөлләр сөйли,

Дулкынлатып яшел үзәнне;

Алтын кылдан күпер суза кояш

Күрер өчен синдәй гүзәлне, гүзәлне!

Йолдызларга сине күтәрәм мин,

Юллар ерам җилле буранда:

Иң беренче булып кулым бирәм,

Давыл күмсә дулкын-юрганга.

Синең хакта зәңгәр гөлләр сөйли,

Дулкынлатып яшел үзәнне;

Алтын кылдан күпер суза кояш

Күрер өчен синдәй гүзәлне, гүзәлне!

Синең хакта зәңгәр гөлләр сөйли,

Дулкынлатып яшел үзәнне;

Алтын кылдан күпер суза кояш

Күрер өчен синдәй гүзәлне, гүзәлне!