Adfel yessad ula deg uzaɣar
Tamɣart ad tleḥḥu ad zdem asɣar
I wemɣaris ad yeḥmu
Di srir ala yettraǧu
Llawan yewweḍ-d qrib ad yeddu
Aɣbel yečča-tt yeskaway allen-is
Asemmiḍ yesdubbuz ifassen-is
Bessif i tcudd afagu
Amɣar di srir yettraǧu
Llawan yewweḍ-d qrib ad yeddu
Afrux n ccum yeɣra-d i tmeṭṭut
Fiḥel timest azgaz-im yemmut
Arrez akin a yafalku
Amɣar di srir yettraǧu
Llawan yewweḍ-d qrib ad yeddu
Teɣseb tikli mi is-id yenna lxiq
Tettuḍ mi ijaḥ yeǧǧa-kem di ddiq
Ya citan Rebbi ak yexzu
Amɣar di srir yettraǧu
Llawan yewweḍ-d qrib ad yeddu
Imi texcem taɣlid leḥmali
Tenna-d "A Llah mazal nessuli!"
Awal-is yeddem-it waḍu
Amɣar di srir yettraǧu
Llawan yewweḍ-d qrib ad yeddu
