ស្រណោះវាលស្រែប្រាំង

១)រទេះបាក់នឹមរលឹមក្នុងភ្នែក ទឹកហូរចាកព្រែកក្អែកប្រែជាស ស្រែប្រែជាក្រុងល្ហុងប្រែជាគ មេឃខ្មៅប្រែសភ្លៀងផ្គរខុសខែ។

២)ត្រីក្រៀមស្រកាស្វាក្រៀមបបូរ ទឹកហួតលែងហូរត្អួរលែងចេញផ្លែ សន្ទូងថ្លឹងស្នាចខ្លាចលែងនឹកស្រែ ក្របីគោប្រែឈប់អូសរទេះ។

៣)ឱស្ពានទីពីរទីបង្ហូរទឹក បទវែកលែងនឹកសឹកបាក់បែកប្រេះ ទួលថ្ងាន់ស្ពានមួយព្រួយស្ទើរលេះ មើលទៅរោងសេះរបេះបាត់ហើយ។

៤)សំលឹងដងព្រែកទឹកភ្នែកហូរស្រក់ រាំងក្ទម្ពដង្ហក់កក់ស្បូវរុះរោយ ដីស្រែវាលប្រាំងប្រាក់បាំងអស់ហើយ ទីវាលប្រាំងអើយបាត់ហើយពេលនេះ។

វាលស្រែប្រាំង ភូមិធំ

និពន្ធដោយ៖ បូរ ប៊ុនរដ្ឋ

២៥ កញ្ញា ២០២០