(ប) លង់ស្នេហ៍ហ្អើយចែលក់សណ្តែកដី ជិះក្រវែលហ្អើយរាល់ថ្ងៃហ្អើយមិនក្រោមម្ភៃជុំ នាងខ្មៅហ្អើយតែនាងល្អគន់ នាងនៅក្រមុំសមនឹងខ្ញុំនែ !កំលោះចាស់

(ស) ស្តាប់ហ្អើយឡើងព្រឺសម្បុរ មាត់ឡើងរអិលហ្អើយមុខឌឺខ្លាំងណាស់ កោតចេះហ្អើយមកអួតមិនខ្មាស កូនយំពេញផ្ទះមកកុហកថាខ្លួនកំលោះ

(ប) បងមានហ្អើយកូនមកពីណា អ្នកក្រុងអ្នកផ្សារហ្អើយគេដឹងទាំងអស់ ថាបងហ្អើយជាសុភាពបុរស គេដឹងឡើងសុះ អ្នកខ្លះទៀតនោះតាមនែ !លើកកូនឱ្យ

(ស) ថយឱ្យឆាប់ហ្អើយបីបួនគីឡូ កុំចេះតែប្រូហ្អើយខ្ញុំមិនជឿឡើយ ដាច់ម៉ូយហ្អើយខ្ញុំអស់អាលីងហើយ ពូឯងឆាប់ថយកុំឱ្យខ្ញុំក្តៅក្រហាយទាន់

(ប) កាចអីកាចអូនលក់សណ្តែកដី បើស្រឡាញ់បងៗមិនឱ្យអូនភ័យ ដេកម៉ាស៉ីនត្រជាក់ឈប់ឱ្យដើរកាត់ថ្ងៃ អង្គុយលក់ពេជ្រនៅផ្សារអូរឫស្សី លែងឱ្យថ្លៃទូលកញ្ជើសណ្តែកដីទៀតហើយ

(ស) ចេញឱ្យឆាប់តិចគប់មួយកំប៉ុង ពូឯងសាំម្ល៉េះកូរខ្ញុំឡើងវិលក្បុង ដាច់ម៉ូយអស់ឥឡូវខ្ញុំឡុងចុង ព្រលឹមឡើងដល់ឃើញមុខចង់គ្រុន យកពេលទៅមើលប្រពន្ធថែកូននៅឯផ្ទះទៅ