بعدني اشتاق

بعدني اشتاگ الك أني. وحن النظرة عيونك

ما ريد الهوى صدگ.... شيفيد الهوى بدونك

صرت مثل الطفل ابچي

ومنك روحي بس تشكي

اعاتب هجرك بسكتة

هم شايف هجر يحچي

مُرلي بالحلم مرة

بادل عيني بالنظرة

الفرگة صعبة يا روحي

صارت بالگلب حسرة

روحي حاولت تنساك

متريد الهوة بدونك

ظلت أُمنية بگلبي.... اشوفك جايني بلهفة

تطيب خاطري المكسور.... ولگلبي ترد نبضة

روحي بلشت تطلع

أخبارك اريد اسمع

گالوني نساك وراح

لا تنتظر ما يرجع

أنة المكسور بغيابك

ليش الدرب ما جابك

أحس الدمعة تنزل نار

لو مريت من بابك

روحي صفت ورقة بريح

تاهت والضوة عيونك