Magno gaudens gaudio

Magno gaudens gaudio nostra pueritia

sallat cum tripudio propter hec natalia!

Ad honorem innocentum sonent lire timpana.

Lete mentis argumentum cantus sit et organa!

Iure festi cum celesti curia

gratulemur et letemur, eya!

Nostra sint familia iocus et letitia,

risus pax et gratia cum perenni gloria.

Gaudeamus, pueri, Herodes defunctus est.

Facti sumus superi hostis noster victus est.

Penam ferens infernalem surgere non poterit

et nos agnum immortalem sequimur quo ierit.