Créditos
Letra
سكر يا مسكر، يا صغنن، يا ابو قلب كبير
شاطر متشطر منك أنا اتعلمت كتير
ده كلامه مكسر، لكن في الحب خطير
يضحك ويكركر، قلبي معاه من الفرحة يطير
قطقوط يا مقطقط هتقرب مني هتتباس
يا عسل يا صغنن، يا حنين أنت يا حساس
ده في حضنك جنة وعينيك ومليانة حماس
وإيديك الناعمة بتطبطب على كل الناس
قلبك أكبر من سنك يا اللي أنت مفيش أجمل منك
أكبر قلب وأصدق حب ومش فارقالك شكل ولون
أكبر من سنك، ده إحنا بقينا نتعلم منك
معنى الحب يا أجمل قلب، أنت أجمل واحد في الكون
تزعل وتزمزق، تضحك وعينيك فيها دموع
وتملي بتسبق وتساعد وأنت الموجوع
ولسان بيتأتأ في الثانية بمية موضوع
مش همك شكلك، متواضع جدًا وقنوع
تجري وتتنطط والدنيا ما تسواش في عينيك
تفرح وتزقطت طول ما حبايبك آه حواليك
وبساطك تبسط، دي أقل حاجة بترضيك
وبتدي وبتدي، ده أنت اللي في إيدك مش ليك
قلبك أكبر من سنك يا اللي أنت مفيش أجمل منك
أكبر قلب وأصدق حب ومش فارقالك شكل ولون
أكبر من سنك، ده إحنا بقينا نتعلم منك
معنى الحب يا أجمل قلب، أنت أجمل واحد في الكون
قلبك أكبر من سنك يا اللي أنت مفيش أجمل منك
أكبر قلب وأصدق حب ومش فارقالك شكل ولون
أكبر من سنك، ده إحنا بقينا نتعلم منك
معنى الحب يا أجمل قلب، أنت أجمل واحد في الكون
Written by: Ehab Abdel Wahed, مصطفى حدوته
