Bastaa

Khwaabon ki aahein li toh main mujhe mil gayi

Apnon ko peeche main chhod ke aa hi gayi

Railon ki dhadkan se main toh hoon darne lagi

Apni toh jebein bhi khaali ki khaali padi

Khwaabon ka kya hai, voh chham se Jo aaye, aur mann se lipat ke khade

Khwaabon ka kehna, pehli dafa hi sunkar Mann ke pair phisalne lage

Chehre par aisi hasi khil ke aayi

Sapnon ki lehrein jabb mujhse takaraayi

Armaanon ko lekar hum sheher mein aaye hain

Aisa laga khud hi ko hum fasaaye

Par mere unn khwaabon mein ummeedein bhar

Bastaa gale lagaaye chal padi

Barkha aur baadal ki chhaanv mein main

Apna ek aasman banaane lagi

Aaye the karne haasil saara Jahan

Aake lagaa ke naa tikengey ek din yahan

Uljhan pey uljhan deta Gaya ye sheher

Bombayi ka saagar laaye qeher pey qeher

Par khudko samjha ke, sehla ke, behla kar Chal hi diye ye kadam

Mann toh phisla tha phislengey nahin hum abb humne le li ye kasam

Itna bura bhi nahin ye samandar

Dil mein Ghar kar gaya jab doobey andar

Thoda sa khaara thoda sa kadva hai ye

Mann ke hi tarah ye bhi pagla saa hai

Par mere unn khwaabon mein ummeedein bhar

Basta gale lagaaye chal padi

Barkha aur baadal ki chhaanv mein main,

Apna ek aasman banaane lagi