Создатели
ИСПОЛНИТЕЛИ
Arun Date
Исполнитель
МУЗЫКА И СЛОВА
Yashwant Dev
Композитор
Mangesh Padgavkar
Тексты песен
Слова
अखेरचे येतील माझ्या हेच शब्द ओठी
लाख चुका असतील केल्या, केली पण प्रीती
अखेरचे येतील माझ्या हेच शब्द ओठी
लाख चुका असतील केल्या, केली पण प्रीती
अखेरचे...
इथे सुरू होण्याआधी संपते कहाणी
साक्षीला केवळ उरते डोळ्यांतील पाणी
...डोळ्यांतील पाणी
इथे सुरू होण्याआधी संपते कहाणी
साक्षीला केवळ उरते डोळ्यांतील पाणी
...डोळ्यांतील पाणी
जखम उरी होते ज्यांच्या तेच गीत गाती
लाख चुका असतील केल्या, केली पण प्रीती
अखेरचे...
सर्व बंध तोडुनी जेव्हा नदी धुंद धावे
सर्व बंध तोडुनी जेव्हा नदी धुंद धावे
मिलन वा मरण पुढे हे तिला नसे ठावे
...तिला नसे ठावे
एकदाच आभाळाला अशी भिडे माती
लाख चुका असतील केल्या, केली पण प्रीती
अखेरचे...
गंध दूर ज्याचा आणिक जवळ मात्र काटे
गंध दूर ज्याचा आणिक जवळ मात्र काटे
असे फुल प्रीती म्हणजे कधी हाय वाटे
...कधी हाय वाटे
तरी गंध धुंडित धावे जीव तुझ्यासाठी
लाख चुका असतील केल्या, केली पण प्रीती
अखेरचे...
आर्त गीत आले जर हे कधी तुझ्या कानी
गूज अंतरीचे कथिले तुला ह्या स्वरांनी
आर्त गीत आले जर हे कधी तुझ्या कानी
गूज अंतरीचे कथिले तुला ह्या स्वरांनी
डोळ्यांतुन माझ्यासाठी लाव दोन ज्योती
लाख चुका असतील केल्या, केली पण प्रीती
अखेरचे येतील माझ्या हेच शब्द ओठी
लाख चुका असतील केल्या, केली पण प्रीती
अखेरचे...
Written by: Mangesh Padgavkar, Yashwant Dev
