Терең, ойланып, жиберсек зейин
Биреу алдын барар, биреулер кеийн
Пәкленип алайық, биз соған дейин
Бәршемиздиң, барар, мәнзилимиз бир
Бармайман деп хеш ким, бас тарта алмас
Тәғдир адамзатты, не күйге салмас
Бул дүньяда хеш ким, мәнгилик қалмас
Бәршемиздиң, барар, мәнзилимиз бир
Емеспиз, биреуден, артық яки кем
Алланың алдында, бенделери тең
Хәдден асып, болабермеңиз мен-мен
Бәршемиздиң, барар, мәнзилимиз бир
Бармайман деп хеш ким, бас тарта алмас
Тәғдир адамзатты, не күйге салмас
Бул дүньяда хеш ким, мәнгилик қалмас
Бәршемиздиң, барар, мәнзилимиз бир
Ийе болсақтағы, теңсиз шырайға
Жасасақта қандай, үлкен сарайда
Әжел сирә, байлығыңа, қарайма
Бәршемиздиң, барар, мәнзилимиз бир
Жүрек мехримизди, берип кетейик
Өмирди көркейтип, жасап өтейик
Тиримизде буны, аңлап жетейик
Бәршемиздиң, барар, мәнзилимиз бир
Тиримизде буны, аңлап жетейик
Бәршемиздиң, барар, мәнзилимиз бир
Бәршемиздиң, барар, мәнзилимиз бир
