Kermo

የፍቅርሽን እሳት ከልቤ ቀብሬ

እኔስ ሄጄ ነበር ካድማስ ተሻግሬ

ከራኩበት ቦታ

ፍቅርሽ ጠራኝ በድሜዬ እኩሌታ

ተለየሁሽ ብዬ እስከመጨረሻ

ተመልሶ ጠራኝ የመውደድሽ ግርሻ

በናፍቆትሽ በትር ልቤን እየቀጣ

ፍቅርሽ ይዞኝ መጣ

በዘመን በርቀት ያልከሰመ ፍቅር

እንደአዲስ ሲጠራኝ እንዴት ብዬ ልቅር

ተስፋ ያጎበዛት ነፍሴን አንጠልጥዬ

ክንፍ አብቅዬ መጣሁ ባዛኝ ቀልቤን ጥዬ

ደረትሽ ላይ ውዬ መውደድሽን ባላገኝ

ፍቅርሽ አምጥቶኛል እንዳረገ ያርገኝ

ይኸው (ከርሞ

ፍቅርሽ ጠራኝ ደግሞ

ወደ ልጅነቴ

ወደ ጥንቱ ቤቴ።

ይኸው ከርሞ

ፍቅርሽ ጠራኝ ደግሞ

የፍቅርሽን እሳት ከልቤ ቀብሬ

እኔስ ሄጄ ነበር ካድማስ ተሻግሬ

ከራኩበት ቦታ

ፍቅርሽ ጠራኝ በድሜዬ እኩሌታ

ጊዜው ደርሶ ዛሬ፣ ደጅሽ የመለሠኝ

የተራብኩት ፍቅርሽ፣ በእቅፉም ባይክሰኝ

ዘመን ይለፍብኝ፣ ልብሽን ሳንኳኳ

ቢዘነጋኝ እንኳ

መውደድ ስታበስርሽ፣ ነፍሴ በመለከት

አሜን ባትይ አንቺ፣ የፍቅርን በረከት

መአዛሽ ካለበት፣ ከአንባሽ ተገኝቼ

ሳዜም እኖራለሁ፣ ቃልሽን ተቀኝቼ።

አውቀዋለሁና፣ የናፍቆትሽን አቅም

ዳግም ለሰቀቀን፣ (እግሬን አላርቅም)*2።

ይኸው ከርሞ

ፍቅርሽ ጠራኝ ደግሞ

ወደ ልጅነቴ

ወደ ጥንቱ ቤቴ

ይኸው ከርሞ

ፍቅርሽ ጠራኝ ደግሞ