Daghe oio

Sparagnate a fiìpica, xe na question de chimica

Te si come un marshmallow so na fiama osidrica

Altoparlanti pa i mitomani, social pa chi resta anonimi

Yo! Benzina sui piromani

Ogni pensiero sboldro mi te o conto e no te o scondo

Che go tuto naltro mondo co beat in sotofondo

El progresso che riva desso no xe pi un scherso

E no sarà istesso, penso al presso e resto lesso

Ancora che disamino e inpagino stati d'animo

Stare calmi no, i te strissa come na pee da daino

Amighi dopio platino, altri in monopatino

No xe vite che me imajino, gnanca pa un atimo

No vojo prediche e no serve pi poemiche

So ancora che scrivo e no posso tirave do eliche

Ogni sabo sera fora modo te te desfi

Che a domenega matina te caressi i elfi

Svejemo sto mortorio, daghe oio

A chi ghe manca un boio, daghe oio

Duri de conprendonio, daghe oio

Se te senti che me infoio, daghe oio

Svejemo sto mortorio, daghe oio

A chi ghe manca un boio, daghe oio

Duri de conprendonio, daghe oio

Se te senti che me infoio, daghe oio

Rime ghe n'é tante pa chi no se contenta

Gnente premio Tenco, ma gnanca premio tenca

E quanti che ghe tenta ma resta un episodio

So sensa patrimonio, ma eori a l'obitorio

Daghe oio sora un fojo che me ecito, qua so xa mojo

Co rimemo xe un fià tuto lecito anca co l'ingoio

Stemo sora el palco ma no recito da sora un podio

Fastidiosi co sto rap fetido da manicomio

Vecia scuoea, ancora classici da vecchio conio

Dame na base che fasso stretching mentre me infojo

Me so scoperto feticista vuto te o diga?

Che me piaze i piè e tette tanto quanto a f**a

Daghe oio che se mantegna, no butar via

Desso che xe tuto de passaggio come in funivia

Qua de tuto ghemo soeo un assaggio su sta magnarìa

Ogni ano speto magio pa sonare in conpagnia

Tikete takete, aperitivo e fiesta

Ogni ano un disco novo miga a soita minestra

Buta oio anca su questa, tuto coto niente cruo

Ocio col picante che te bruza el c***

Svejemo sto mortorio, daghe oio

A chi ghe manca un boio, daghe oio

Duri de conprendonio, daghe oio

Se te senti che me infoio, daghe oio

Svejemo sto mortorio, daghe oio

A chi ghe manca un boio, daghe oio

Duri de conprendonio, daghe oio

Se te senti che me infoio, daghe oio

Daghe oio, daghe aio a vanpiri sul to viàio

Se xe spussa da piè no senpre xe formaio

Se xe insipido el mestiero ti meti ketchu e maio

Se xe ripido el sentiero ti fate pi coràio

No ghe xe na cura pa chi vive co a paura

E chi che no matura vive soto detatura

Xe un mondo ilusorio, falchi sol promontorio

Sistema predatorio e xa da l'oratorio

Svejemo sto mortorio, daghe oio

A chi ghe manca un boio, daghe oio

Duri de conprendonio, daghe oio

Se te senti che me infoio, daghe oio

Svejemo sto mortorio, daghe oio

A chi ghe manca un boio, daghe oio

Duri de conprendonio, daghe oio

Se te senti che me infoio, daghe oio