Der opa liegt im krankenhaus
Der doktor sagt, schaut ned guad aus
Er woass etz dauerts nimmer lang
Es is boid zeit zum geh
Sganze lebm, sganze lebm
Hod er oiwei sbeste gebm
Jetz wird eam doch a bissl bang
Wohi des woass er ned
Werd er sei frau jetz wiederseng
Gmiatlich neba ihrer lieng
Was is wenn sie ean nimmer kennt
Nach über fuchzig jahr
Kriagt er no mid, was da passiert
Und was aus seine enkel werd
Des kimmt etz doch a bissl friah
Eam hoidt no sovui da
De meiste zeit liegt er nur da
Und hängt seine gedanken nach
Wenn dschwester sessen eina rollt
Dann schaut ers gar ned o
Sein teller lasst er oiwei steh
Sessen taugt eam scho gar ned
Wenn eh scho bald der vorhang foid
Wofür des ois dann no?
Doch des hod er vergessn glei
Weil kurz drauf kimmt der maxi nei
De aung fangan zum leichtn o
Da rührt si nommoi slebm
Der maxi sagt i hab no was
A semme mit am leberkas
De dokter wissen nix davo
Des woidt i dir nur gebm
Ois is wieder da
Oi die scheena johr
Ziang an eam vorbei
Er is wieder frei,
Hoasse sommersonn,
Kalter wintermond
Er liegt aufm dach
Schaut de woikn nach
Und dann hod ers gseng
Wias auf eam zurennt
Lafft durchs frische gras
Kimm i zoag da was
Sie is wieder da
Wia enns gestern war
Ois fangt wieder o
Ois is wieder da
