Bisat-e-Raqs Pe

غزل

بساطِ رقص پہ صد شرق و غرب سے سرِ شام

دمک رہا ہے تری دوستی کا ماہِ تمام

چھلک رہی ہے ترے حُسنِ مہرباں کی شراب

بھرا ہوا ہے لبالب ہر اِک نگاہ کا جام

گلے میں تنگ ترے حرفِ لطف کی باہیں

گلے میں تنگ ترے حرفِ لطف کی باہیں

پسِ خیال کہیں ساعتِ سفر کا پیام

ابھی سے یاد میں ڈھلنے لگی ہے صُحبتِ شب

ہر ایک روئے حسیں ہوچلا ہے بیش حسیں

ملے جو کچھ ایسے ، جُدا یوں ہوئے کہ فیض اب کے

جو دل پہ نقش بنے گا وہ گُل ہے ، داغ نہیں