Gidan Haya

Kai! gidan nan ba gida bane matsala dai ne gidan haya

Gidan nan ba gida bane matsala dai ne gidan haya

Duk wanda yake a gidan haya Allah ba shi wuri yayi nashi

Ko babu kudin buga kwano ya samu ko shifshi ya zuba sama

In kai haka ka hita kardagi tunda ka huta da biyan haya

Gidan nan ba gida bane matsala dai ne zaman haya

Kai gaka gidan haya

Wancen gashi gidan haya

Waccen gata gidan haya

Ku duka kun gamu kun hade

In kai kana da dangana kila wancen baya da dangana

Matsalar gidan haya

Ko da kun kai ku tara

Makewayinku guda ake

Matar wancen ta shiga

Matar wancen na jira

Kai kuma gaka kana jira

Shine matsalar zaman haya

In kana a gidan haya

Matarka bata da walwala

'Ya'yanta basu da walwala

Bakonka ba ya da walwala

In kay magana a kadammaka

Gidan nan ba gida bane

Matsala dai ne zaman haya

Babbar matsalar gidan haya

Yau! In an sanka tsakar gari

Gobe ana cimma gefen gari

Jibi ko kaje ka bidar wuri

Dan kana gudun ayi ma notice

Naji yan dako nata farin ciki

Yan baro nata farin ciki

Yan amalanke nata farin cikin

Wane zai tashi a gidan haya

Suna ta farin cikin sunyi sa'a da dakon curboard

Kai ka dace da bakin ciki

Gidan nan ba gida bane

Matsala dai ne zaman haya

Dan zaman haya mai ban tausay

Me ban taikaici dan zaman haya

Dan zaman haya me ban tausay

Shine wanda yana a gidan haya

Baya da harka wadda yake yi

Ga iyali kuma sun mai yawa

Mai ban takaici dan zaman haya

Karfi gaya da karfe gaya da harka wadda yakeyi

Amman ya rabe a gidan haya

Kuma yayi giji a cikin gidan

Wanga lalaci ne mai yawa

Kai tashi gidan nan ba na zama bane

Matsala dai ne zaman haya

Gidan nan ba gida bane

Matsala dai ne gidan haya

Akwai dan ragaitar zaman haya

Shine me mata hudu

Duk a gidan haya

Gidansu Bango yana gabas

Ga 'ya'yanta guda shida

Gidansu Gwamma yammaci

Ga 'ya'yanta guda shida

Gidansu Delu ina kudun

Ga 'ya'yanta guda shidda

Ga su Umma ya Turai nan kuma

Tare da Gwaggwan su duka

Ita ko ga goyo ga ciki

Wannan matsalar kaka take

Ku duka kun rufce a gidan haya

Malam ko noma zakayi se ka tanadi rumbu dan hatsi

Ya za kayi mata har hudu?

Kuma kowace na a gidan haya

Wanga lalaci ne mai yawa

Kai! Tashi gidan nan ba na zama bane

Tun farkon asalitan

Duk tsuntsun da yake sama

Ya gina gida nay ya shige

Kwarin da suke tudu

Kowane yayi gida ne ya shige

Hatta kwarin da suke ruwa

Ko wane yayi gida nai ya shige

Misali tun ga zanzaro

Gashi dai abu ne dan kankani

Yaje daji ya ja kasa ya debo ruwa nan ya hada

Ya gina gidan sa yana shiga

To kai matsayinka na dan Adam

Ya zaka tsaya a gidan haya

Kai! Tashi gidan nan ba na zama bane

Matsala dai ne gidan haya