E-Barzh ar vro-mañ
N'eus ket nemet ar gouloù a c'hell chom hep louediñ
Met maleüruzamant ne (deu)ta ket beket amañ
Adalek bremañ e chomimp staget ha tapet omp da c'hortoz ar gozhni
Uzet hom daoulagad oc'h en om gustumiñ deus an deñvalijenn
E klaskomp harzoù hom skeudenn
Chaokat a reomp soñj ur flouradenn merglet gant an amzer o tremen
Rechetiñ a reomp hom chadenn en ur zisoñjal kement liv a zo er-maez
Met faota ket deomp en om chalañ, goût a ouiemp ne vefe ket bet aes
Blaz gris ar sec'hed
Kig kriz ar mein glas
Daoulagad marvennet
O vale paz-ouzh-paz
Bouilhenn e-barzh ar bouzelloù
Dour (g)yeun e-barzh hom c'hreuz
C'hwesha a ra an anken
Hep ober kalz a reuz
Mizer da vale
Kourailhoù drailhet
Ha malet
Devezhioù ludu
Nozvezhioù gweet
Me a garfe bezañ penn-dall
Lazhañ a rin ar pezh a chom deus an oabl
Da vouchañ gwennder he c'hein sal
