Maanava Jaathi

మానవ జాతి మనుగడకే

ప్రాణం పోసింది మగువ

త్యాగంలో అనురాగంలో

తరగని పెన్నిధి మగువ

॥జాతి॥

చరణం: 1

ఒక అన్నకు ముద్దులచెల్లి

ఒక ప్రియునికి వలపుల మల్లి

॥అన్నకు॥

ఒక రామయ్యనే కన్నతల్లి (2)

సకలావనికే కల్పవల్లి... ఆ... ఓ...॥జాతి॥

చరణం: 2

సీతగా ధరణిజాతగా

సహన శీలం చాటినది

రాధగా మధుర బాధగా

ప్రణయ గాథల మీటినది

మొల్లగా కవితలల్లగా

తేనెజల్లు కురిసినది

మొల్లగా కవితలల్లగా

తేనెజల్లు కురిసినది

లక్ష్మిగా ఝాన్సీలక్ష్మిగా

సమర రంగాన దూకినది (2)

॥జాతి॥

చరణం: 3తరుణి పెదవిపై చిరునగవొలికిన

మెరయును ముత్యాలసరులు

కలకంఠి కంట కన్నీరొలికిన

తొలగిపోవురా సిరులు

కన్నకడుపున చిచ్చురగిలెనా

కరువులపాలౌను దేశం (2)

తల్లిని మించిన దైవం లేదని

తరతరాల సందేశం (2)