Lug wi mir flüge

Lug mau wi mer flüge

Hey lug mau wi mer flüge

Lug mau wi mer flüge

Hey lug mau wi mer flüge

Lug i bi dr Baus, i nime das aus

So säge si Los u Ledaus

Scho Vogel Strauss

Aber mini Ouge, die si blau

Wi bim ne Pfau

Lug mer zue wini stauze

I meine stouz umestouziere

Jedefaus ä liebe Graus

Eh i meine Gruess

Oder de haut so nes shout out

I zieh dr Huet u mir si aut

Wüsse nümm so gnau

Was me da so mues i däm Bounce

Mit dr CD laufts

Aber i weiss o nid wäm das Aubum eigetlech gfaut

Das nach au dene Jahr no chauft

I chume nid draus

I mache «Ah» Wi ne erstaunte Ricky Ross

Mir gö i Charts wi är ä Neoprenazug aleit

Du weisch mir gö rein aber nie meh raus

Hole aus use, nüt Minimaus

I bi d Fründin vom Micky ah

Du weisch Gründ gits verschidni

I bi breit usbiudet wi d Hüfte vor Nicki

Bi mit mine paar Fründe, gsehesch mi

I ha nid di gröschti Crew drfür di beschti

Bhaute mini Gäng chli wi di tüüre Reschti

Bhaute mini Gäng chli wi bim Bärgpriis

Aber egau, lug i bi down

Nid mit aune, nume mit paarne

I ha nid chaut, Jagge, Daune aus klar

I mues mi warm alege

Ha ne coolere Flow als dr Aletschgletscher

We du fragsch «Was wär a Winter ohni Tee»

Meinsch chauti Häng für immer u ewig

Doch i säge «Nee»

Wüu du weisch i kille immer

U du muesch gseh

I bi ne Winner heisst

I bi ne Winter ohni Tee

U du so haut, das geit ja nume lutlech uf

Das isch chli ungenau

Abr weisch i ha ke Wau wine See

Sobaud das i gseh, dass Sprach nid viu meh

Aus ä Pinsu isch, wo nid maut

Ab denn isch wük egau

Lug i cha aus

Biege di Wörter wis mer passt oder äbe paust

Si sägä mir läbä scho bau

In Saus und Braus

Pepperoni nume no blau i de Gmüesregau

Abr si hei nid ds ganzä Späktrum

Si si keni Dattle, nur Verdattereti

I ha dr Chopf scho wider vou nöie Flaus

Eh nei, i meine Flausen

Rhythems heimer tausend

U mir wüssä au

Dir bruchet itz mau ä Pausen, tschausen

Lug mau wi mer flüge dür Bärn

Angers aus di angere Type in Bärn, you know

Lo & Leduc uf däm Track

Das heisst Update für Bärn

Update für Bärn

Ey lug mau wi mir flüge

(Mir hei di Flügu zum Flügä)

Ey lug mau wi mir flüge dür Bärn

(Flügä wi Vögu drvo, ja ja)

Lug mau wi mir flüge

(Du hesch nur Pinguinflügu, Vogu-Struss-Flügu, Ikarus-Flügu)

(Du chasch nid flüge wi Lüci u Lo)

Leduc, Baby

Dr Wäg isch ds Ziu

U das sägä viu

Doch mir si schnäu, äs macht nur niu

Vo Bärn bis Biu oder Paléo

Aller à Nyon, das isch mis Sion

Mit däm Festival, Babylon

Gseh nur Baby-Los, gseh nur Baby-Lucs

Abr chill, ds si no children

Schwizer Rapper mini Ching

Lug wisi itz singe

Mach ä Kita uf u spiu Tichu, dis Huus

Heisst i bruch nid viu, nume chli Wind

Und äs gheit zäme

Aber i hiuf dir wider uf

Numä nid jufle

Weisch irgendwenn geit das uf aus wärs Hefe

Und you heisst nid nume du, äs heisst o Hefner

U drum biudeni di us

Zum chline Hefekrokodiu irgendwo im Niu

Ä riise Klappe wi im Fium

Doch im Ungerschid müesse mir nid cutte

Mir si Schiuf u mir gö Stiu

I meinä steil ufä i Himmu

U scho verbium, Strasse numeno us Miuch

O wes nid stimmt, rüefi abe «I see you»

Me ghört ja hie unge, nur ds Echo «Iu, iu»

Aus wärs ä Ibruch

Scho sit chli uf Mortadelli MCs

Doch si wei ke Beef, wüu i kill

S geit uf mini Rächnig, säg mer Bill

Wi geits, aus wärs ä Frag, wis mer gieng

Wüu i cha, i cha, i cha nid chlage

Wüu i a, i a i bi ne Platin-Esu

Gib mer Dill, i brate Guedfischbrate

Siuberrüge-Bros us bronse Zitauter

U ä Proscht uf di Trostpriise, Baby

Äs müeds Lächle für di Moshpits, Baby

Mou, spiu das nomau vo vore

Di hei das no nid begriffe, ah

Lug mau wi mir flüge dür Bärn

Angers aus di angere Type in Bärn, you know

Lo & Leduc uf däm Track

Das heisst Update für Bärn

Update für Bärn

Ey lug mau wi mir flüge

(Mir hei di Flügu zum Flüge)

Ey lug mau wi mir flüge dür Bärn

(Flüge wi Vögu drvo, ja ja)

Ey, lug mau wi mir flüge

(Du hesch nur Pinguinflügu, Vogu-Struss-Flügu, Ikarus-Flügu)

(Du chasch nid flüge wi Lüci u Lo)