Diogo Gómi
Bem ku sê luneta
Talvez ê ka tinha Boa Vista
Ma pamó era na Era di conquista
Ti Quinta ta tomada pa Sexta
Oh, nha mãe oh nha mamai
É passa de cabo mau pa Cabo Verde
Panha passado bira futuro
E si bus guentis tenba pele sucuro
Qual verde que te quero verde
Oxi ó qui bu ta odja ês mar azul
pensa ma ê foi burmedju.
Si stória ta odjaba na spedju
Norte podia serba Sul
Diogo Gomi mora la di riba
Na lado de cá Presidente
Mora na mei di 3 Continente
Cabral
Li di baxo ta gritado biba
Diogo sta rostu pa Parlamento
Amilcar de cara pa cemitério
Nha guenti más ki mistério
Ê sodade ô ê esquecimento?
