امتحانات و مذاكرة

امتحانات ومذاكرة ودماغي ولا فاهمة كل ما احفظ معلومة تطير فجأة كل اللي بحفظه ولا ليه اي لازمة ملازم ملازم ملازم ملازم مش فاهم ولا حاجة كلام مش متوازن في بيني وبين المعلومات كده خط عازل اتجننت اتعصبت اتقفلت خدت بعضي قمت نازل (ايوة) ماما وقفتني علي الباب قالتلي ارجع يازفت للكتاب (شيه شيه) ماما دماغي جالها اللتهاب هاخد بريك شوية علي اللاب انت لحقت تذاكر يا هباب ياماما تعبت هيجيلي اكتئاب طب ممكن اروح اذاكر مع صديقي في الرحاب خش ذاكر ياض لا اديك علي وشك بالأوبآب (علي وشك بالأوبآب) دخلت الأوضة بتاعتي حاسس باحساس مريع امي ساحبة اللاب عملت نفسي ماسك كتاب بذيع تحت الكتب فاتح الموبايل بشوف النسوان علي انستجرام (في بت موديل اسمها مي بكراش عليها من زمان) ببص لقتها ردت علي ال هاي اللي بعتهالها بقالي كتير فرحت قولتلها ما تيجي اعزِمك علي عصير روحت قبلتها قلبي اتقبض طلعت شبه بواب بيتنا عبدالصمد شوفتها حسيت هيجيلي مرض صورها طلعت فوتوشوب وغلط (لا لا) عديت علي واحد صاحبي كلمته ينزلي برا نزل وفكرنا هنروح فين طلعنا علي القهوة زي كل مره قالي افتح لي Hotspot خلص لي النت ابن الصرمة الوقت أتأخر بقولك ايه قوم نجيب الملازم يلا عدينا علي واحد صاحبنا Nerd نصور ملازم الدرس قعدنا نشخبط ونكتب ع الملازم اي كلام في الهلس عشان لما اروح يشوفو الملازم ما يشكوش اني بكت من الدرس هقلب فلوس الحصة زي الباشا كله يا باشا بثقة النفس روحت البيت لاقيت ابويا بالحزام علي الباب مش قايلك متتأخرش عن ١٢ والا هحبسك في الدولاب الساعة ١٢ و ٥ دي خمس دقايق مش مستاهلة عذاب Dap لاقيت نفسي في الدولاب عدت السنة بقي فاضلي يوم واحد ع الامتحان كالعادة بحب أأجل المذاكرة لليلة الأخيرة علي السخان أذاكرلي ساعة واحس بعدها ٣ ساعات ان انا تعبان اسيب المكتب واقعد اذاكر ع السرير لحد ما انام (نام) اصحي اليوم اللي بعده علي صدمة الامتحان مش فاكر اي بتنجان الورقة مليانة اللغام واقف عليا مراقب زهقان بيشرب سجاير وعرقان بينفخ في وشي الدخان توتر في كل مكان طب اطلع اي برشام يبص لي المراقب كمان استأذن اروح الحمام لاقيت مراقب ماسك حزام مالحقش اقفش اي كلام لاقيت جنبي صديقي هشام اناديه مايردش الجبان الورقة تتسحب كمان ابويا هيعمل معايا التمام