Qadar Nama

غالب نے

قادر نامہ لکھا

بچوں کو فارسی سیکھنے کا ایک

خوبصورت سبق منظوم کیا

اسے ہم آج بھی پڑھیں

تو ہماری فارسی ہی نہیں ہماری اردو بھی بہتر ہو جائے گی

اس کے کچھ ٹکڑے

بندگی کا ہاں عبادت نام ہے

نیک بختی کا سعادت نام ہے

کھولنا افطار ہے اور روزہ صوم

لیل یعنی رات، دن اور روز یوم

اسم وہ ہے جس کو تم کہتے ہو نام

کعبہ، مکہ وہ جو ہے بیت الحرام

تیغ کی ہندی اگر تلوار ہے

فارسی پگڑی کی بھی دستار ہے

خم ہے مٹکا اور ٹھلیا ہے سبو

آب پانی، بحر دریا، نہر جو

چاہ کو کہتے ہیں ہندی میں کنواں

دود کو ہندی میں کہتے ہیں دھواں

دودھ جو پینے کا ہے وہ شیر ہے

طفل لڑکا اور بوڑھا پیر ہے

سینہ چھاتی، دست ہاتھ اور پائے پاؤں

شاخ ٹہنی، برگ پتا، سایہ چھاؤں

اسپ جب ہندی میں گھوڑا نام پائے

تازیانہ کیوں نہ کوڑا نام پائے

گربہ بلی، موش چوہا، دام جال

رشتہ تاگا، جامہ کپڑا، قحط کال

ریش داڑھی، موچھ سبلت اور بروت

احمق اور نادان کو کہتے ہیں اوت

روئی کو کہتے ہیں پنبہ، سن رکھو

آم کو کہتے ہیں انبہ، سن رکھو

آمدن آنا، بنانا ساختن

ڈالنے کی فارسی، انداختن

چہ کے معنی کیا، چگویم کیا کہوں

من شوم خاموش، میں چپ ہو رہوں

پایا قادر نامے نے آج اختتام

اک غزل تم اور پڑھ لو والسلام

شعر کے پڑھنے میں کچھ حاصل نہیں

مانتا لیکن ہمارا دل نہیں

علم سے ہی قدر ہے انسان کی

ہے وہی انسان جو جاہل نہیں

جس نے قادر نامہ سارا پڑھ لیا

اس کو آمد نامہ کچھ مشکل نہیں