Im Zug

Isch hie no frei? Är isch allei Isch hie no frei, hie näbedra Är seit nit nei, är seit nid ja U i weiss nume eis I wott jetz hie ke Meis U glych, i wott nit stah Mi düecht, das sötti ga I stah jetz eifach gar nit gärn Vo hie, vo Züri bis uf Bärn Im Zug es Gstung, ei Morerei U au hei frei u au wei hei U är wott ou Zu Ching u Hung u Frou Weisch was? Versteisch ächt das? O ig wott hei Isch hie no frei? Är macht e Stei U d'Scheiche ufem Bank U macht ke Muggs U macht ke Wank Är macht mi chrank I gloubes nid I schnaues nid I tschegges nid Dass settig git Es git so Lüt Die säge nüt Es isch für d'Chatz Dä macht nit Platz Oh Gott, oh Gott Isch das e Idiot Was machi jetz? Was söui jetz? Dä Löu, dä Möff Het ds ganze Abteil bsetzt Är schmöckt chli sträng A d'Füess a d'Häng U hocket feiss Hie i sim Schweiss Är gseht mi nid Är schmöckt mi nid Är wott mi nid Es git mi nid Mi het's nie gä U i bi dä Wo n'är nit ghört U i bi dä Wo nume stört Är gseht mi nid Är ghört mi nid Är schmöckt mi nid Är wott mi nid Es git mi nid Es git mi nid Es git mi nid Är macht sich breit Är hocket breit Är hocket dick D'Schue ufem Blick Hie i sim Rych U ig I bi n'ihm glych I bi n'ihm glych I bi n'ihm glych I bi n'ihm schysse Schysse, schysseglych Es isch eso I gseh das scho Är schaffet no i sim Büro I finges aber gar nit geil Är tschegget lässig siner Mail U jetz, oho U jetz, aha Jetz nimmt er ab U lütet a Jaja, jaja Säb müessti ga Ja, gällezi Ja, bliiibet sie doch äifach dra U är isch lut Me ghört ne guet Ja, är hätt ztue Und s'loset alli, alli zue Ach, du bischs, näi Jö näi, jö näi Häsch du scho fräi Jö Häsli, ja Doch, doch, ich bin no dra Jäja, bin bald dihäi Tschäu Häsli, tschäu Ja, ich dich äu I ga fasch druuf Är regt mi uuf Dä Superhas Jetz gibi Gas I steue mau chli lüter y U d'Lüt im Zug si vou derby Mir längts Jetz ha ni gnue He Häsli, du Jetz los mau zue Du bisch hie gopfertammi nit allei Jetz gopfertammi gib die Plätz hie frei Du hesch hie gopfertammi aues bsetzt Är luegt mi a Är isch entsetzt Är het mi ghört Är isch empört Jetz ha ne aber würklech gstört I gibes zue I ha ne mau chli gmüpft I gibes zue I ha ne mau e chli a d'Scheiche gstüpft Potz Heilanddonner, isch dä Has erchlüpft Jetz aber, mou Jetz isch er da I chas nit gloube Ja, är luegt mi a I säge no: "Chumm mach ke Seich" Wüll plötzlech isch er totebleich U jetz chunnts schlimm Är gspürt sich nümm Das chunnt nit guet Jetz schmöckt er Bluet Und är zieht uuf U stüpft u schlaat U stüpft u schlaat U stüpft u schlaat U stüpft u schlaat U hört nümm uuf Und är gseht rot Nume no rot U stüpft u schlaat U stüpft u schlaat U schlat mi z'tot