Ban Jin Ba Liang (Dian Ying "Ban Jin Ba Liang" Ge Qu)

我哋呢班打工仔 通街走糴直頭係壞腸胃 搵嗰些少到月底點夠洗 (奀過鬼) 確係認真濕滯 最弊波士郁Ｄ發威 (癲過雞) 一味喺處係唔係亂嚟吠 嗡親加薪塊面挪起惡睇 (扭吓計) 你就認真開胃 半斤八兩 做到隻積咁嘅樣 半斤八兩 濕水炮仗點會響 半斤八兩 夠薑呀揸鎗走去搶 出咗半斤力 想話攞番足八兩 家陣惡搵食 邊有半斤八兩咁理想 (吹漲) 我哋呢班打工仔 一生一世為錢幣做奴隸 嗰種辛苦折墮講出嚇鬼 (死俾你睇) 咪話冇乜所謂 半斤八兩 就算有福都冇你享 半斤八兩 仲慘過滾水淥豬腸 半斤八兩 雞碎咁多都要啄 啄 出咗半斤力 想話攞番足八兩 家陣惡搵食 邊有半斤八兩咁理想 (吹漲) 我哋呢班打工仔 一生一世為錢幣做奴隸 嗰種辛苦折墮講出嚇鬼 (死俾你睇) 咪話冇乜所謂