Nia vorbei

Er war se so sicher, so was passiert eam ned

Er war aufm Weg hoam, im Radio a Liad

Do hockte sie auf a Bank, er hoit o und er fragt, wias geht

Oa Lächeln von ihr und er war nimmer miad

Es war ihr Geburtstag, sie war spaziern alloa

Verletzt, verlassen und beitelt vom Leben

Und jetz sitzt er neba ihr, sie redn und es kummt eam vor

Ois waar de Vertrautheit scho oiwei do gwen

Und er woaß ganz genau, des geht nia vorbei

Weil a Teil von seim Herz bleibt einfach do

Und sie werd oiwei in seiner Seele sei

Und er woaß aa, des passt scho so

Und sie treffen sich öfter in ihrer versteckten, windstaaden Welt

Und sie spürn ihre Herzen ananader schlogn

So vui Gschichtn nur mit de Augn verzählt

Schweigend am Tanzen und endlich dahoam

Irgendwann is ihr klar wordn, des geht so nimmer lang

De Welt do drauß wart ned auf de zwoa

Und dann hod sa se aufgmacht, zruck in de echte Welt

Und er war sprachlos und wieder alloa

Und er woaß ganz genau, des geht nia vorbei

Weil a Teil von seim Herz bleibt einfach do

Und sie werd oiwei in seiner Seele sei

Doch er woaß aa, er is ned ihr Mo

Und er woaß ganz genau, des geht nia vorbei

Weil sie hod eam vui zdiaf berührt

Und er woaß ganz genau, des wird nia mehr so sei

Und dass er ab heit von innen friert

Und er woaß ganz genau, des geht nia vorbei

Weil a Teil von eam einfach zu ihr ghert

Und er woaß ganz genau, er wird nie mehr ganz frei

Doch er woaß aa, des wars eam wert