Jasadik-Hom

(هيه)

(هيه)

تسعين، ستين، تسعين، مية وخمسة وسبعين على خمسين

تسعين صدر، ستين خصر، تسعين فخاد

مية وخمسة وسبعين طول على خمسين وزن

هادول مقاييس جسدك

لازم يسموها جسدكهم

(هيه)

الكاف تعود إلك وجسدك يعود إلهم

روح حرة داخل جسد غير حر

أخدلي وقت أفهم جسدي، جسدي الأنثوي

(هيه)

جسدك بيروح بنام بغيب بيغلط بتوب منسامحه وبيرجع بعيد

للأبد ماشي مع ورقة تصريح من الطبيب

جسدي؟ بيكفي غلطة واحدة، انزلاق واحد

صورة واحدة فيديو واحد

(هيه)

كم من عين في عجسدي

كم من وجه في لجسدي

جسدي أنثوي، جسدي عربي، جسدي العربي الأنثوي

كم ضمير في لجسدي

(هيه)

في أنا وفي أنت، في إحنا وفي هم

هم ضد إحنا وأنت ضد أنا, الكل ضد أنا وأنا ضد الكل

حتى بالنضال عندي أضعاف من مسؤوليتكم

إذا أنت بتقاوم بتمس في صهيونيتهم

(هيه)

إذا أنا بقاوم بمس كمان بذكوريتهم

وقد ما جسدي واعي للقهر، بيضل قابل للكسر

أخدلي وقت أتعلم أعشق جسدي، جسدي الأنثوي العربي

واقفة قبال المراي

(هيه)

خلعت عن عيوني النظارات الإجتماعية لأنهم صنع ذكوري

بدي أشوف عيوبي بطريق عيوني

ضب عيونك هاد النهد إلي، ضب أيديك هادا الفخد إلي

ضب ملاحظاتك، شعر الإيدين وشعر تحت الأباط بس إلي

سيطر عتعابير وجهك هادول الكم "إكسترا" كيلو إلي

السيلوليت إلي، تشققات الجلد علامات الحمل بس إلي

الشيب ،التواليل، الشامات، الوراك الحبوب كله بس إلي

هاد المطبخ مش بس إلي، بس هادا الزيت، هادا الزعتر والعكوب إلي

(هيه)

بشرتي القمحية إلي، وهاي العيون إلي

لأول مرة بشوف عيوني طريق عيوني

تنين وأربعين، متين، مية وعشرين على مية وستة وتلاتين

تنين وأربعين مليون مرة تاجروا في جسدي

متين مليون مرة ختنوني وأخدوا مسؤولية على جسدي

مية وعشرين مليون مرة اغتصبوا جسدي

مية وستة وتلاتين مليون ولادة بالسنة

وهاي الحياة بس من جسدي

(هيه)