Sa bawat yugto ng buhay
May wasto at may mali
Sa bawat nilalang
Ay may bulag, may pipi, at may bingi
Madilim ang 'yong paligid, hating-gabing walang hanggan
Anyo at kulay ng mundo sa 'yo'y pinagkaitan
'Wag mabahala, kaibigan, isinilang ka mang ganyan
Isang bulag sa kamunduhan, ligtas ka sa kasalanan
Hindi nalalayo sa 'yo ang tunay na mundo
Marami sa ami'y nabubuhay nang tulad mo
Hindi makita, 'di madinig, minsa'y nauutal
Patungo sa hinahangad na buhay na banal
Ibigin mo mang umawit, hindi mo makuhang gawin
Sigaw ng puso't damdamin, wala sa 'yong pumapansin
Sampung daliri, kaibigan, d'yan ka nila pakikinggan
Pipi ka man nang isinilang, dakila ka sa sinuman
Hindi nalalayo sa 'yo ang tunay na mundo
Marami sa ami'y nabubuhay nang tulad mo
Hindi makita, 'di madinig, minsa'y nauutal
Patungo sa hinahangad na buhay na banal
Ano sa 'yo ang musika? Sa 'yo ba'y mahalaga?
Matahimik mong paligid, awitan ay 'di madinig
Mapalad ka, o kaibigan, napakaingay ng mundo
Sa isang binging katulad mo, walang daing, walang gulo
Hindi nalalayo sa 'yo ang tunay na mundo
Marami sa ami'y nabubuhay nang tulad mo
Hindi makita, 'di madinig, minsa'y nauutal
Patungo sa hinahangad na buhay na banal
Hindi makita, 'di madinig, minsa'y nauutal
Patungo sa hinahangad na buhay na banal
