Lyrics
അമ്പാഴം തണലിട്ടൊരിടവഴിയിൽ
കുമ്മായം കുറിതൊട്ട മതിലരികിൽ
കണ്ണാടിക്കാവിലെ കുറുമൊഴിയേ
ഇനി ചെമ്മാനം ചോക്കുമ്പം തുണ വരുമോ
ഒളി മങ്ങാത്ത ചങ്ങാത്ത ചിരി തരുമോ
ചമ്പാവു പാടത്തെ ചെറുകിളിയേ
വരിനെല്ലായ് മുന്നാഴി കനവു തരൂ
മിഴിചിമ്മാതെ ഒന്നെന്റെ അരികെ വരൂ
അമ്പാഴം തണലിട്ടൊരിടവഴിയിൽ
കുമ്മായം കുറിതൊട്ട മതിലരികിൽ
അമ്പാഴം തണലിട്ടൊരിടവഴിയിൽ
കുമ്മായം കുറിതൊട്ട മതിലരികിൽ
മാമ്പൂവിൻ തേനൂറും മധുരദിനം
മായുന്നു പായുന്നു പലവഴി നാം
കല്ലായികാറ്റിൻ കൊലുസിട്ട ചിറകുകളായ്
ചങ്ങാലിപ്രാവ് പിരിയുന്നു മിഴി അകലേ
മങ്ങുന്നൂ നോട്ടം വിങ്ങുന്നൂ മൗനം
കണ്ടിട്ടും കാണാതെ മെല്ലെ നീ മറയെ
കണ്ടിട്ടും കാണാതെ നിന്നു ഞാനിതിലെ
ചമ്പാവു പാടത്തെ ചെറുകിളിയേ
വരിനെല്ലായ് മുന്നാഴി കനവു തരൂ
മിഴിചിമ്മാതെ ഒന്നെന്റെ അരികെ വരൂ
അമ്പാഴം തണലിട്ടൊരിടവഴിയിൽ
കുമ്മായം കുറിതൊട്ട മതിലരികിൽ
ചെന്തെങ്ങോ ചാഞ്ചാടും വയലിറമ്പിൽ
എൻ മോഹം മേയുന്ന മണിക്കുടിലിൽ
കണ്ചിമ്മിയാദ്യം കാണുന്ന കണിമലരേ
കൈനീട്ടമേകൂ പോന്നുംമ്മയെൻ നെറുകിൽ
ഉണ്ടെന്നോ കൂടെ കൈയ്യെത്തും ചാരെ
വാടാതെ വീഴാതെ എന്നെ കാത്തിരിക്കാൻ
തോളത്ത് ചായാനുമുണ്ട് നീയരികെ
അമ്പാഴം തണലിട്ടൊരിടവഴിയിൽ
കുമ്മായം കുറിതൊട്ട മതിലരികിൽ
കണ്ണാടിക്കാവിലെ കുറുമൊഴിയേ
ഇനി ചെമ്മാനം ചോക്കുമ്പം തുണ വരുമോ
ഒളി മങ്ങാത്ത ചങ്ങാത്ത ചിരി തരുമോ
ഇനി ചെമ്മാനം ചോക്കുമ്പം തുണ വരുമോ
ഒളി മങ്ങാത്ത ചങ്ങാത്ത ചിരി തരുമോ
Writer(s): Gopi Sundar, Harinarayanan
Lyrics powered by www.musixmatch.com