Nöis Morn

Lueg ig dir id Ouge gsehni eh brochnige Mönsch

Du wosch doch oh zrüg zu de Wurzle

Oh wenn dr Boum scho lang brönnt

Mit jedem Tag wo vergeit

Verlürsch wider es Blatt

U du verchoufsch dini ziit gliich so tüür wie de chasch

Es zieht di immer tiefer bis ufe Grund vo däm See

U mir hei z gfüu mir verstöh meh

Je verschwummener mir gseh

Frässemer ihri Droge hei si gwunne

Dr Zwäck vor Ungerhautig isch dr Kampf vo Obe gäge Unge

Mä redt vo Hierarchie so aus wäre si notwändig

Und aues bliibt bim Aute so aus wär z Läbe so beständig

Kunst wird missbruucht und geit unger i dr Masse

E Idee isch no lang nid gstorbe solang mir üs lustig drüber mache

So viu Wärte sitze z töif

U di Chopf wird geng benäblet

D Konsequänz isch ds kene konsequänt cha läbe

Und oft hani z Gfüu ds sig aues verlornigi Ziit

Wüu z Guete an sich nur eh Troum vo üs blibt

Mir hocke zäme scho siit Stunde vor däm Füür

Bis es nöis Morn die dunkli Nacht verschücht

Mir blibe wach und schribe üsi Strophe ad Wänd

Und mir hoffe druf ds z Houz no chli längt

Mir hocke zäme scho siit Stunde vor däm Füür

Bis es nöis Morn die dunkli Nacht verschücht

Mir blibe wach und schribe üsi Strophe ad Wänd

Und mir hoffe druf ds z Houz no chli längt

Lueg du landisch uf dr Wäut du bisch gebore ime Chaschte

Niemer fragt di ob ds wäusch

Wirsch erzoge i däm Raschter

Lueg ds macht üs beidi gliich, gliich wie dr Räscht

Zwüsche Liid oder Schmärz

Chasch nid sii wie de wärsch

Und so bruuche si dis Wäse aus es Ushängeschiud

Für ihres chranke Spiu wos ke Uswäg me git

Aso lueg das de nid dri gheisch

Und figg uf dä Gäutigsdrang

Glück isch ke Iheit wüu es blibt eh Moment uf morn

Und mir pflastere dr Wäg uf däm Drahtseil

Wo z Ziu ersichtlech isch aber es fäut mr dr Ahreiz

Gebore dert woni das wo mr fäut muess erdulde

Wo riichtum ligt im Härz

Ohni Gäud gäbs ke Schulde

Mir verlüre üse Näbu vo dr Klarheit

Doch stüre mitem Hebu richtig Wahrheit

Und so steui mir siit Jahre nur die Frag wenn aues ändet

Vilech morn, vilech blibts oh nur eh Tag im Kaländer

Mir hocke zäme scho siit Stunde vor däm Füür

Bis es nöis Morn die dunkli Nacht verschücht

Mir blibe wach und schribe üsi Strophe ad Wänd

Und mir hoffe druf ds z Houz no chli längt

Mir hocke zäme scho siit Stunde vor däm Füür

Bis es nöis Morn die dunkli Nacht verschücht

Mir blibe wach und schribe üsi Strophe ad Wänd

Und mir hoffe druf ds z Houz no chli längt

Mir schliesse üs i Arm bis d Wäut um üs verblasst

U blibe wach solangs chli häu isch i dr Nacht

Mir finde zue enang i de Tröim wo mir erläbe

Und loufe zäme ame nöie Morn entgäge