Für den Rest meines Lebens

Wie e Zirkuspääd, dat Säjespän rüsch

Wie 'ne Kranich, dä`m Herbst noh Afrika flüsch

Weiß ich instinktiv, wo ich hin muss

Un zwar ohne Ömwääsch, miehstens jraaduss

Dat woor ei'ntlich immer su

Un dat soll och su blieve

Vun he bess Kathmandu

Für den Rest meines Lebens

Dann ir`ndwann Madame un von do ahn wood alles leichter

Wo vürher noch jrau, plötzlich himmelblau et Levve wood heiter

Dich hätt dä Himmel jescheck, noh`m eezte Drittel vun minger Streck

Besser du blievs für den Rest meines Lebens

Jäje Windmöhle kämpfe mäht keine Senn

Utopie un Luffschlösser jröößtenteils affjeschminck

Doch die Krone der Schöpfung kritt anscheinend alles kapott

Un do mäht mer sich ob mer will oder nit halt `ne Kopp

Du kanns Jeff drop nemme, Madame, och wenn`t noch su verjebens

Mer muss kämpfe, sulang mer kann, auch den Rest seines Lebens

Wenn Schweigen Verrat wird, spätestens dann muss mer laut opstonn

Met dir Hand enn Hand, Madame, kann do ei`ntlich nix schiefjonn

Dich hätt dä Himmel jescheck, noh`m eezte Drittel vun minger Streck

Besser du blievs für den Rest meines Lebens

Dich hätt dä Himmel jescheck, noh`m eezte Drittel vun minger Streck

Besser du blievs für den Rest meines Lebens

E Zirkuspääd will russ

'Ne Kranich will nohuss

Un ich stonn he un luhr op dä stolze Fluss

Zohuss